Jökulbrot er abstract verk eftir Snædísi Högnadóttur og er innblásið af fegurð Jökulsárlóns. Þvert niður strigann fyrir miðju má sjá jökulsprungu eða lón þar sem jökulbrotin safnast saman og skapa ákveðið sjónarspil. Grófleiki og litir verksins endurspegla þá fallegu áferð og litabreytingar sem myndast við stöðuga umbreytingu jökulsins. Með því að rýna í áferð og smáatriði verksins getur þú gleymt þér um stund í draumkenndum hugarheim.